ဒဏ်ပေးတာတောင် စာဖတ်တဲ့ဒဏ်တဲ့

စာဖတ်ဒဏ်
------------
Najib Zadeh လို့ခေါ်တဲ့လူတစ်ဦးက အီရန်နိုင်ငံအရှေ့မြောက်ပိုင်း Gonbad-e Kavus မြို့က တရားသူကြီးတစ်ဦးဖြစ်တယ်။ တစ်ခါက သူတရားစီရင်တဲ့အမှုတစ်ခုမှာ Qasim လို့ခေါ်တဲ့ ၁၆နှစ်အရွယ်လူငယ်တစ်ဦးနဲ့ဆုံခဲ့တယ်။ အထက်တန်းကျောင်းတက်နေတဲ့ Qasim က လုယက်မှုနဲ့ရောက်လာတာပါ။ လုယက်ရတာကလည်း သူ့မိခင်နေမကောင်းလို့၊ ဆေးဖိုးဝါးခမရှိလို့ လမ်းသွားလမ်းလာအမျိုးသမီးတစ်ယောက်ကို လုယက်ပြီး ရလာတဲ့ပိုက်ဆံနဲ့ သူ့အမေကိုဆေးရုံတင်ခဲ့တာဖြစ်တယ်။
.
အမေဖြစ်သူနေကောင်းသွားပေမယ့် Qasim က လုယက်မှုနဲ့တရားရင်ဆိုင်ခဲ့ရတယ်။ အီရန်နိုင်ငံရဲ့ဥပဒေအရ Qasim ထောင် ၆လကျခံရပါတယ်။ ထောင်၆လသာဆိုပေမယ့် ဒါဟာ Qasim ရဲ့ဘဝကို အမည်းစက်စွန်းထင်းစေတဲ့အပြင် နောက်ပိုင်းမှာ အလုပ်အကိုင်ရှာဖွေတာပဲဖြစ်ဖြစ်၊ ဘဝနေထိုင်မှုမှာပဲဖြစ်ဖြစ် အရိပ်မည်းကြီးလိုလိုက်ပါနေမယ့် အရာဖြစ်တယ်။ ထောင်ကထွက်လာရင်လည်း အတန်းသားတွေရဲ့ အထင်သေး၊ ရှောင်ဖယ်တာကိုခံရဦးမယ်။ တကယ်လို့ကျောင်းထွက်လိုက်ရင် အလုပ်ရှာရာမှာခက်ခဲနိုင်သလို အိမ်ထောင်ပြုမှုမှာလည်း အဆင်ပြေမှာမဟုတ်ဘူး။
.
တရားသူကြီး Najib က Qasim ကို များစွာနှမြောခဲ့တယ်။ ထောင်ကျဖူးတဲ့လူငယ်တွေဟာ နောက်တစ်ကြိမ်ပြစ်မှုကျူးလွန်ဖို့ ဝန်မလေးကြတော့ဘူးဆိုတာကို သူသတိထားခဲ့တယ်။ သူတို့ကိုယ်ပေါ်မှာ “အမည်းစက်”နဲ့ “တံဆိပ်”ဆိုတာရှိခဲ့ပြီမို့ ပတ်ဝန်းကျင်ရဲ့ပြောဆိုနှိမ်ချမှုကိုခံရပြီး စိတ်ဒဏ်ရာတွေရသွားကြတယ်။ ဒါကြောင့် အီရန်ကလူငယ်တွေရဲ့ ပြစ်မှုကျူးလွန်မှုမှာ နှစ်တိုင်းတိုးမြင့်နေတာဖြစ်တယ်။
.
Najib က လူငယ်လူရွယ်ပြစ်မှုကျူးလွန်ကြတာဟာ သာမန်အားဖြင့် သူတို့ဟာ စိတ်ဆတ်တဲ့အရွယ်၊ ဥပဒေအသိအမြင် ဗဟုသုတတွေကင်းမဲ့တဲ့အရွယ်ဖြစ်လို့ ဖြစ်တယ်။ တကယ်လို့ သူတို့သာစာဖတ်ကြရင်ဖြစ်၊ ဥပဒေဆိုင်ရာစာတွေကို ပိုဖတ်ကြရင်ဖြစ် ပြစ်မှုကျူးလွန်မှုနည်းပါးဖို့ အထောက်အကူပြုလိမ့်မယ် လို့တွေးမိတယ်။ ပြစ်မှုသေးတဲ့လူငယ်တွေ ဒါမှမဟုတ် ရာဇဝတ်မှု တစ်ခါမှမရှိတဲ့လူငယ်တွေကို “စာဖတ်ဒဏ်”နဲ့ အပြစ်ပေးလို့မရနိုင်ဘူးလားလို့ သူတွေးမိတယ်။
.
ဒီလိုနဲ့ Najibဟာ သူလေ့လာဖတ်ရှုခဲ့စာတမ်းနဲ့ သူ့အတွေးအခေါ်တချို့ပေါင်းပြီး စာတမ်းတစ်စောင်ပြုစုလိုက်တယ်။ ပြီးတော့ အဲဒီစာတမ်းကို အထက်တရားလွတ်တော်ဆီတင်ပြလိုက်တယ်။ “စမ်းသပ်ကြည့်နိုင်တယ်”ဆိုတဲ့ ခွင့်ပြုချက်ရပြီးနောက် Najibဟာ လုယှက်မှုနဲ့ထောင်ကျမယ့် Qasim ကို “စာဖတ်ဒဏ်” ဆိုပြီးပေးလိုက်တယ်။ Qasim ထောင်ထဲနေစရာမလိုဘူး.. ဒါပေမယ့် တရားသူကြီးပေးလိုက်တဲ့ စာအုပ် ၅အုပ်ကိုတော့ အပြီးဖတ်ရမယ်။ ဖတ်ပြီး အဲဒီစာအုပ်ကိုဖတ်လို့ရတဲ့ခံစားချက်၊ ဖတ်ပြီးရရှိတဲ့အတွေးအမြင်တွေကို ချရေးပြီး တင်ပြရမယ်။
.
ဒီလိုနဲ့ Qasim ကျောင်းပြန်တက်ရတယ်။ ကျောင်းတက်ရင်း တစ်ဘက်ကလည်း ချမှတ်ထားတဲ့ပြစ်ဒဏ်ကို လိုက်နာတယ်။ (တရားသူကြီးပေးတဲ့ စာအုပ် ၅အုပ်ကိုဖတ်တယ်)။ နောက်ပိုင်းမှာ Qasimတစ်ယောက် အီရန်ကနာမည်ကြီးတက္ကသိုလ်တစ်ခုဖြစ်တဲ့ Tehran တက္ကသိုလ်တက်ခွင့်ရခဲ့တယ်။ အဲဒီနောက် နာမည်ကြီးကုမ္ပဏီတစ်ခုမှာ အလုပ်ရခဲ့တယ်။
.
Qasim ကပြောတယ်… တရားသူကြီးသာ သူ့ကို “စာဖတ်ဒဏ်”မပေးခဲ့ရင် ဒီကနေ့သူဆိုတာ ရှိလာမှာမဟုတ်ဘူးတဲ့။ “စာဖတ်ဒဏ်”ကို ထွင်ခဲ့တဲ့ တရားသူကြီးကို သူကျေးဇူးတင်ကြောင်းပြောတယ်။
.
စာဖတ်ဒဏ်ကို Gonbad-e Kavus မြို့မှာ စမ်းသပ်ပြုလုပ်ပြီးတဲ့နောက် လူငယ်တွေ၊ မိဘအုပ်ထိန်းသူတွေနဲ့ ဥပဒေပညာရှင်တို့ရဲ့ ချီးကျူးအားပေးမှုကို ခံခဲ့ရတယ်။ အဲဒီမြို့နယ်မှာ လူငယ်တွေ ဒုတိယအကြိမ်ပြစ်မှုကျူးလွန်နှုန်း သုညအောက်ထိုးကျသွားခဲ့တယ်။ သိပ်မကြာခင်တုန်းက အီရန်ဥပဒေမှာ ပြစ်မှုသေးငယ်တဲ့လူငယ် ဒါမှမဟုတ် ရာဇဝတ်မှုမရှိတဲ့လူငယ်တွေကို ပြစ်မှုအလေးအပေါ့ပေါ်မှုတည်ပြီး တရားသူကြီးက ပြစ်ဒဏ်ချမှတ်နိုင်တယ်။ ပြစ်ဒဏ်ထဲမှာ “စာဖတ်ခြင်းကို ပြစ်ဒဏ်နဲ့အစားထိုးနိုင်တယ်” ဆိုပြီး “စာဖတ်ဒဏ်”ကို တရားဝင်ဥပဒေတစ်ရပ်အဖြစ်ပြဌာန်းလိုက်ပါတယ်။
.
ကိုးကားသတင်း -- http://www.bbc.com/news/blogs-news-from-elsewhere-34200912
.
#နိုင်းနိုင်းစနေ (July.31.2016)
.


မင်္ဂလာပါ... လွင်ပြင်မှ ကြိုဆိုပါတယ်....ကျနော်ရဲ့မှတ်စုလေးတွေကို စိတ်ဝင်စားရင် ဖတ်ရှု့နိုင်ပါတယ်..မှတ်သားနိုင်ပါတယ်ဗျာ၊ လေ့လာနေဆဲသူမို့ လိုအပ်တာများ ပြောပြပေးနိုင်ပါတယ်၊ အကူအညီလိုအပ်ရင်လည်း တောင်းနိုင်ပါတယ်၊ ကျနော်ကို lwinpyin5@gmail.com သို့ဆက်သွယ်နိုင်ပါတယ်ခင်ဗျာ။ ၀င်ရောက်အလည်လာတဲ့အတွက် ကျေးဇူးတင်ပါတယ်......